اٹھ گئ ہیں سامنے سے کیسی کیسی صورتیں
روئیے کس کے لیے کس کس کا ماتم کیجئے
دورِ حاضر کے تناظر میں اگر صرف اردو ادب کے حوالے سے بات کی جائے تو اس سے قبل کسی نے ایسا پتجھڑ نہیں دیکھا ہوگا،جب یکے بعد دیگرے اردو زبان و ادب کے بڑے بڑے تناور درختوں کے سایوں سے ہم محروم ہوتے چلے گئے۔پروفیسر شمیم حنفی کا جانا کسی ہرے بھرے باغ کا اچانک تپتے صحرا میں تبدیل ہو جانے کے مصداق ہے۔
اب کون ہے جو ہمیں خالص ہندوستانی اقدار کا حوالہ دے گا،کون ہے جو کبیر کو بھی اتنا ہی عزیز رکھتا ہوگا جتنا نظیر کو۔کس کی گفتگو میں ہمیں ایسی خوشبو ملے گی جس میں میرا بائی سے لے کر میرا جی تک سمائے ہوئے ہوں۔مرحوم شمیم حنفی صاحب کے سوچنے کا انداز بنیادی طور پر ہندوستانی تہذیب کے خمیر سے تیار ہوا تھا۔
الہ آباد یونیورسٹی میں طالب علمی کے زمانے سے ہی شمیم حنفی نے اردو ہندی زبان و ادب کی بڑی بڑی شخصیات کو ایک ساتھ دیکھا۔ان میں جہاں ہندی کے سمترا نندن پنت،مہا کوی نرالا،ایلا چندر جوشی اور مہادیوی ورما جیسے بڑے نام شامل ہیں وہیں اردو زبان و ادب کی قد آور شخصیات میں ڈاکٹر اعجاز احمد،پروفیسر احتشام حسین اور اردو کے لیجینڈ شاعر فراق گورکھپوری سے بھی شمیم حنفی کو جو قربتیں حاصل ہوئیں وہ ان کی شخصیت سازی میں اہمیت رکھتی ہیں۔ایک زمانہ یوں بھی گزرا کہ شمیم حنفی صاحب باقاعدہ فراق گورکھپوری کے یونیورسٹی کوارٹر میں انھی کے ساتھ رہنے لگے تھے اور ان کے لٹریری سیکرٹری کے طور پر شمیم حنفی کو فراق سے بہت کچھ سیکھنے کو ملا۔فراق گورکھپوری کی متعدد نظمیں،غزلیں اور رباعیاں انھیں ازبر تھیں۔شمیم حنفی اردو ادب کی وہ آخری شخصیت تھے جنھیں فراق گورکھپوری پر اتھارٹی سمجھا جاتا تھا۔
اخبارات میں کالم نویسی کے دوران جو صرف انھوں نے مالی منفعت کے لحاظ سے قلم فرسائی شروع کی تھی،ان کی ادبی زندگی کا آغاز تھا۔اس سے قبل الہ آباد یونیورسٹی میں جب وہ پڑھ رہے تھے تو مختلف پریس کے لیے مسودے لکھ کر اپنا جیب خرچ چلاتے تھے۔واقعہ یہ تھا کہ ایم۔اے۔ ہسٹری کے امتحانات میں کم نمبر آئے جس سے والد صاحب نے ناراض ہو کر ان کے اخراجات سے دست برداری کر لی۔شمیم صاحب نے اس کے بعد ایم۔اے۔ اردو میں داخلہ لیا اور رفتہ رفتہ اپنے کمالات دکھانا شروع کیے۔اندور میں قیام کے دوران شمیم صاحب نے ہندی اخبارات میں کالم نویسی کی جس میں ‘نئ دنیا’ ہندی اخبار کے لیے انھوں نے خوب کالم لکھے۔
بعد میں آپ کا نام اردو ادب کے حوالے سے ایک معتبر ناقد،بہترین ڈرامہ نگار،جدیدیت سے لبریز شاعر اور ان سب سے بھی زیادہ ایک ہندوستانی ادیب کی حیثیت سے جانا پہچانا نام بن گیا۔
پروفیسر شمیم حنفی ایک نظریہ ساز شخصیت کے ساتھ ساتھ ایک عہد ساز شخصیت کے مالک تھے۔ان کے بارے میں کسی ایک نشست میں بات کرنا نا ممکن سا امر ہے،اور جب کہ ہم ان کی رحلت پر رنجور و مغموم ہیں تو کانپتے ہاتھوں سے کیا لکھا جائے اور غم زدہ ذہن و قلب سے جملہ تراشی کی کیا امید رکھی جائے۔
پروفیسر شمیم حنفی کے افکار و خیالات،ان کے نظریات،اردو ادب کے میدان میں ان کی لاثانی خدمات سب کے سب ان کی تصانیف میں زندہ و جاوید ہیں اور رہیں گے۔ابھی یہ بزرگ ہمارے درمیان تھے،ہم ان سے براہِ راست استفادہ کر سکتے تھے مگر اب ان کی تحریریں ہی ہیں جن کے ذریعہ ہمیں ان کے افکار کی بازیافت کرنا ہوگی۔دعا ہے اللہ ربّ العزت مرحوم کی مغفرت فرمائے اور اپنے جوار رحمت میں اعلیٰ مقام عطا فرمائے آمین۔
(محمد عشرت صغیر)
(مصنف کا تعلق شاہجہاں پور،یو پی انڈیا سے ہے۔آپ اردو فارسی زبان ادب کی تصنیفی و تالیفی خدمات سے وابستہ ہیں۔)
Uth gàiñ haiñ samne se kàisi kàisi sûrateñ
Rôiye kis ke liye kis kis ka màtàm kijiyē
Daur-e-haazir ke tanazur mein agar sirf Urdu adab ke hawale se baat ki jaye to is se qabl kisi ne aisa patjadh nahin dekha hoga, yake baad deegrey Urdu zaban o adab ke bade bade tanavar darakhtoN ke sayoN se hum mehroom hote chale gaye. Professor Shameem Hanafi ka jana kisi harey bharey baagh ka achanak tapte sehra me tabdeel ho jane ke misdaaq hai.
Ab kaun hai jo humen khalis hindustani iqdaar ka hawala dega, kaun hai jo Kabeer ko bhi utna hi azeez rakhta hoga jitna Nazeer ko. Kis ki guftugu me humen aisi khushbu milegi jis me Meera Bai se lekar Meera ji tak samaye huye hoN. Marhoom Shameem Hanafi sahab ke sochne ka andaaz bunyadi taur par hindustani tehzeeb ke khameer se taiyar hua tha.
Allahabad Universit mein talib-e Ilmi ke zamane se hi Shmeem Hanafi ne Urdu Hindi zaban o adab ki badi badi shakhsiyaat ko ek sath dekha.In mein jahaN Hindi ke Sumitra Nandan Pant,Mahakavi Nirala,Ila Chandra Joshi,aur Mahadevi Verma jaise bade naam shamil hain wahin Urdu zaban o adab ki qaddawar shakhsiyaat mein doctor Aijaz Ahmad, professor Ehtishaam Hussain aur Urdu ke legende shayar Firaq Gorakhpuri se bhi Shameem Hanafi ko jo qurbatein haasil huin wo unki shakhsiyat saazi mein ahmiyat rakhti hain.
Ek zamana yun bhi guzra k Shameem Hanafi sahab baqayeda Firaq Gorakhpuri ke University quarter me hi unke sath rehne lage the,aur unke literary secretary ke taur par Shameem Hanafi ko Firaq se bahut kuchh seekhne ko mila.Firaq Gorakhpuri ki mut’addid nazmein,ghazlen aur rubaiyan unhe azbar thin.Shameem Hanafi Urdu adab ki wo akhri shakhsiyat the jinhe Firaq Gorakhpuri par authority samjha jata tha.
Akhbaraat me column naweesi ke dauran jo sirf unhoN ne maali munfait ke lihaz se qalam farsai shuru ki thi, unki adbi zindagi ka aghaaz tha.Isse qabl Allahabad University me jab wo padh rahe the to mukhtalif press ke liye maswide likh kar apna jeb kharch chalate the.Waqeya ye tha k M.A. History ke imtehanat me Shameem Hanafi ke number kam aaye jisse Walid sahab ne naraz ho kar unke akhrajat se dastbardari kar li.Shameem sahab ne uske baad M.A. Urdu me dakhila liya aur rafta rafta Urdu adab me apne kamaalat dikhane shuru kiye.Indaur me qayaam ke dauran aapne Hindi akhbaraat me column naweesi ki jisme ‘Nai Duniya’ hindi akhbar ke liye unhone khoob column likhe.
Baad me apka nam Urdu adab ke hawale se ek motbar naqid,behtareen drama Nigaar,jadeediyat se labrez shayar aur in sab se bhi ziyada ek hindustani adeeb ki haisiyat se janaa pehchana naam ban gaya.
Professor Shameem Hanafi ek nazariya saaz shakhsiyat ke saath saath ek ahad saaz shakhsiyat ke malik the. Unke baare me kisi ek nashist me baat karna na mumkin sa am’r hai,aur aaj jab k hum unki rehlat par ranjoor o maghmoom hain to kanpte hathon se kya likha jaye aur gham zada zehn o qalb se jumla tarashi ki kya umeed rakhi jaye.
Professor Shameem Hanafi ke ifkaar o khayalaat unke nazariyaat, Urdu adab ke maidaan me unki lasaani khidmaat sab ke sab unki tasaneef me Zinda o javeed hain aur rahenge. Abhi ye buzurg hamare darmiyan the, hum unse barahe raast istefada kar sakte the magar ab unki tehreeren hi hain jin ke zariye humen unke ifkaar ki baazyaft karna hogi.
Dua hai Allah Rabbul izzat marhoom ki maghfirat farmaye aur apne jaware rehmat me alaa maqaam ataa farmaye ameen!
(Mohd.Ishrat Saghir)
(Musannif ka ta’alluq Shahjahanpur, U.P. India se hai.Aap Urdu Farsi zaban o adab ki tasneefi o taleefi khidamaat se wabasta hain.)