محبت کے شعری بیانات
یوں تو انسان محبت کے جذبے کو اپنی پیدائش سے ہی محسوس کرتا ہے اور تا زندگی یہ آحساس اور محبت کرنے کا عمل جاری رہتا ہے۔ محبت اپنے والدین سے، اپنے کھلونوں سے، دوستوں سے، کتابوں سے، خود سے، مگر وہ جو اسے کبھی کسی خاص شخص سے محبت ہو جاتی ہے، جس محبت میں مبتلا ہو کر وہ خود کو بھی بھول جاتا ہے اور دنیا سے بھی بے نیاز ہوجابا اسے ذرا نہیں کھلتا۔ اس جذبے میں ہر احساس انتہا کو پہنچتا محسوس ہوتا ہے۔
محبت کے خوبصورت احساسات کو مذید حسین بنانے والی اگر کوئی شے ہے تو وہ ہے ہماری اردو زبان۔ یہ زبان خود اپنے اندر ایسی شیرینی رکھتی ہے کہ جب محبت کی ترجمان بنتی ہے تو متحدہ عم کی ایسی مثال وجود میں آتی ہے جس کا کوئ ثانی نہیں، کوئی جواب نہیں۔
اردو کے ارتقاء کے ہر دور میں ادیبوں نے عشق و محبت کو اپنے کلام کا موضوع بنایا اور ایسے بنایا کہ کوئی کسر باقی نہیں چھوڑی ۔ اس طویل سلسلے سے چند منتخب شعرا اور ان کے محبتوں کے بیانات ملاحظہ کرتے ہوئے اردو شاعری کے اس حسین جز کا جائزہ لیا جائے۔
ڈاکٹر بشیر بدر نے جب محبت کو اپنے تکلم اور تخیل سے سجایا تو کہا:
اتنی ملتی ہے مری غزلوں سے صورت تیری
لوگ تجھ کو مرا محبوب سمجھتے ہوں گے
محبت ایک خوشبو ہے ہمیشہ ساتھ چلتی ہے
کوئی انسان تنہائی میں بھی تنہا نہیں رہتا
جب جون ایلیا محبوب سے ہم کلام ہوئے تو کچھ یوں فرمایا :
میری بانہوں میں بہکنے کی سزا بھی سن لے
اب بہت دیر میں آزاد کروں گا تجھ کو
زندگی کس طرح بسر ہوگی
دل نہیں لگ رہا محبت میں
پروین شاکر نے محبت ، محبت میں ناکامی اور تنہائی کو جس انداز میں شاعری کے لباس سے سجایا اس کی مثال مشکل سے ملتی ہے:
کیسے کہہ دوں کہ مجھے چھوڑ دیا ہے اس نے
بات تو سچ ہے مگر بات ہے رسوائی کی
اک نام کیا لکھا ترا ساحل کی ریت پر
پھر عمر بھر ہوا سے میری دشمنی رہی
کانپ اٹھتی ہوں میں یہ سوچ کے تنہائی میں
میرے چہرے پہ ترا نام نہ پڑھ لے کوئی
حفیظ جالندھری نے اپنے رومانی کلام سے بہت مقبولیت حاصل کی ۔ محبوب سے شکوہ اور گلہ کرنے کا ان کا انداز دیکھیے:
کس منہ سے کہہ رہے ہو ہمیں کچھ غرض نہیں
کس منہ سے تم نے وعدہ کیا تھا نباہ کا
رنگ بدلا یار نے وہ پیار کی باتیں گئیں
وہ ملاقاتیں گئیں وہ چاندنی راتیں گئیں
اختر شیرانی کو رومانیت کی اہم آوازوں میں شمار کیا جاتا ہے۔ فرماتے ہیں :
کچھ تو تنہائی کی راتوں میں سہارا ہوتا
تم نہ ہوتے نہ سہی ذکر تمہارا ہوتا
اے دل وہ عاشقی کے فسانے کدھر گئے
وہ عمر کیا ہوئی وہ زمانے کدھر گئے
کس کو فرصت تھی زمانے کے ستم سہنے کی
گر نہ اس شوخ کی آنکھوں کا اشارا ہوتا
میر انیس یوں تو مرثیے کو عروج پر پہنچانے کے لئے یاد کئے جاتے ہیں، مگر جب غزل کہی تو ایسے اشعار بھی کہے کہ:
عاشق کو دیکھتے ہیں دوپٹے کو تان کر
دیتے ہیں ہم کو شربت دیدار چھان کر
انیسؔ آساں نہیں آباد کرنا گھر محبت کا
یہ ان کا کام ہے جو زندگی برباد کرتے ہیں
یہ موضوع چند اوراق میں سمیٹا نہیں جا سکتا ، مگر جو کچھ یہاں شامل کیا گیا اسے پڑھ کر مزید مطالعہ کا شوق ضرور پیدا ہوتا ہے۔
بدلتے وقت کے ساتھ، نئی تحریکوں کے باوجود، نئے مسائلِ زندگی کے دوران میں، غزل لاکھ روپ بدلتی رہے، اس پر شباب ہمیشہ رومانیت سے ہی آئے گا۔
مسکان سید ریاض
Yoon ton insaan mohabbat ke jazbe ko apni paidaish se hi mehsoos karta hai aur taa zindagi ye ehsaas aur mohabbat karne ka amal jaari rehta hai. Mohabbat apne waaledain se, apne khilonon se, doston se, kitabon se, khud se, magar wo jo usey kabhi kisi khaas shakhs se mohabbat ho jaati hai, jis mohabbat mein mubtala hoker wo khud ko bhi bhool jata hai aur duniya se bhi be-niyaz ho jana usey zara naheen khalta. Is jazbe mein her ehsaas inteha ko pohachta mehsoos hota hai. Mohabbat ke khubsurat ehsasaat ko mazeed haseen bananey wali agar koi shay hai toh wo hai hamari urdu zabaan. Ye zabaan khud apne andar itni sheereeni rakhti hai ke jab mohabbat ki tarjumaan banti hai toh mutehda amal (synergy) ki aisi misaal wajood mein aati hai jis ka koi saani naheen, koi jawab naheen.
Urdu ke irteqa ke her daur mein adeebon ne ishq o mohabbat ko apne kalaam ka mauzoo banaya aur aise banaya ke koi kasar naheen chhorhi.
Iss taweel silsile mein se chand muntakhab shora aur unke mohabbaton ke bayaanaat mulahiza karte huye Urdu shayri ke iss haseen juz ka jayza liya jaye.
Dr. Bashir Badr ne jab mohabbat ko apne takallum aur takhayyul se sajaya to kaha:
Itni milti hai meri ghazlon se surat teri
Log tujh ko mera mehboob samajhte hongay
Mohabbat ek khushboo hai hamesha sath chalti hai
Koi insaan tanhai mein bhi tanha naheen hota
Jab Jon Elia mehboob se hum-kalam huye toh kuch yoon farmaya:
Meri baahon mein bahekne ki saza bhi sun le
Ab boht deir mein aazaad karoonga tujh ko
Zindagi kis tarah basar hogi
Dil naheen lag raha mohabbat mein
Parveen Shakir ne mohabbat, mohabbat mein naakaami aur tanhai ko jis andaz mein shayri ke libaas se sajaya us ki misal mushkil se milti hai:
Kaise keh doon ke mujhe chhorh diya hai usne
Baat toh sach hai magar baat hai ruswai ki
Ik naam kya likha tera saahil ki reit per
Phir umr bher hawa se meri dushmani rahi
Kaanp uthti hun main ye soch ker tanhai mein
Mere chehre pe tera naam na parhle koi
Hafeez Jalandhari ne apne rumaani kalam se boht maqbooliyat haasil ki. Mehboob se shikwa aur gila karne ka unka andaz dekhiye:
Kis mooh se keh rahe ho humein kuch gharaz naheen
Kis mooh se tumne wada kiya tha nibah ka
Rang badla yaar ne woh pyar ki baatein gayeen
Woh mulaqatein gayeen woh chandni raatein gayeen
Akhtar Shirani ko rumaniyat ki ahem awazon mein shumar kiya jata hai:
Kuch toh tanhai ki raaton mein sahara hota
Tum na hotey na sahi zikr tumhara hota
Aye dil wo aashiqui ke fasaney kidher gaye
Woh umr kya hui woh zamaney kidher gaye
Kis ko fursat thi zamaney ke sitam sehne ki
Gar na us shoekh ki aankhon ka ishara hota
Meer Anees yoon toh marsiye ko urooj per pohchane ke liye yaad kiye jate hain, magar jab ghazal kahi toh aise ashaar bhi kahe ke:
Aashiq ko dekhtey hain dupattey ko taan ker
Detey hain hum ko sharbat e deedar chhaan ker
Anees aasaan naheen aabaad karna ghar mohabbat ka
Ye unka kaam hai jo zindagi barbaad karte hain
Ye mauzoo chand auraq mein sameta naheen ja sakta, magar jo kuch yahan shamil kiya gaya usey parhker mazeed mutale’a ka shauq zarur paida hota hai.
Badalte waqt ke sath, nai tehreekon ke bawajood, naye masaail e zindagi ke dauran mein, ghazal lakh roop badalti rahe, uss per shabab hamesha rumaniyat se hi ayega.
Muskan Syed Riaz